Кукмара укучылары математикадан БДИ биреп карады

Бүген районыбыз мәктәпләренең барлык 11нче сыйныф укучылары математика фәненнән Бердәм дәүләт имтиханы тапшырып, үзләрен сынап карады. Имтихан күппрофильле лицей һәм Манзарас урта мәктәпләрендә үтте.

-Иң элек оештыручылар имтихан тәртибе белән таныштырдылар, кабинетларда видеокүзәтү булуын искәрттеләр. Биремнәр авыр түгел, барысы да мәктәп программасы буенча төзелгән иде, - ди Янил урта мәктәбенең 11 сыйныф укучысы Нияз Кәримуллин. - Биремнәр "В" һәм "С" өлешләреннән тора. Мин үзем "В" өлешендәге барлык биремнәрне дә эшләдем. Хәзер нәтиҗәләрен көтәбез инде.

24 мартта исә укучылар рус теленнән БДИ тапшырып караячаклар.

фото: http://www.aviadostavka.ru/news.php?vuwg=/mapker/viewtopic.php?id=1333/