Кукмара районында 7040 мөмкинлеге чикләнгән кеше яши

"Тылсым" халыкка комплекслы социаль хезмәт күрсәтү үзәгенең социаль тернәкләндерү бүлегеннән алынган мәгълүматларга караганда, хәзерге вакытта районыбызда 7040 инвалид бар. Үткән ел әлеге үзәктә аларның 216сы сәламәтлекләрен ныгыткан. Шулай ук узган елдан биредә "Шифаханә - йорт шартларында" программасы эшли башлаган. Хәзер үзәккә килеп йөри алмаучы мөмкинлеге чикләнгән кешеләрнең өйләренә барып хезмәт күрсәтелә. Табиб күзәтүе астында уколлар, массажлар ясала, дәвалау күнегүләре уздырыла. Мөмкинлекләре чикләнгән яшь кешеләр өчен кул эшләре түгәрәге, дәвалау күнегүләре белән шөгыльләнү төркемнәре дә эшләп килә.