Район мәктәпләренә эшкә 9 яшь укытучы кайткан

Кукмара өченче урта мәктәбендә яшь укытучыларның семинары узды. Анда 40лап мөгаллим чакырылган иде. Төрле уку йортларын тәмамлап, быел беренче тапкыр укытучы буларак мәктәп бусагасын атлаучылар исә - тугыз. Бу хакта безгә районның яшь укытучылар оешмасы җитәкчесе Илназ Хөрәмшин хәбәр итте.

-Очрашып-сөйләшүнең беренче өлешендә төрле темаларга докладлар тыңланды. Дәресләрдә мәгълүмати-коммуникатив технологияләр куллану, Сингапур системасы буенча уку-укыту алымнары, яңа Федераль дәүләт белем бирү стандарты хакындагы чыгышлар яшь белгечләрдә аеруча кызыксыну уятты, - ди ул. - Мастер-классларда катнашканнан соң, яшь укытучылар белән берлектә түгәрәк өстәл артында җыелып сөйләштек, алдагы елга план төзедек.

фото: http://www.kchr-lyceum1.ru/news/3