Кукмарада Мамадыш, Балтач, Кукмара командалары катнашында картинг ярышы узды (+фотолар)

Район ЮХИДИ бинасы янындагы мәйданда картинг ярышы узды. Анда Мамадыш, Балтач һәм Кукмара картчылары "Стриж", "Пилот", "125-А", "125-Б", "Восход" төркемнәрендә көч сынашты. Әлеге ярыш Автомобильчеләр һәм Эчке эшләр бүлеге хезмәткәрләре көне уңаеннан оештырылды. Кукмаралылар түбәндәге урыннарда:

"Стриж"да Инсаф Ибраһимов - беренче, Айзат Садиков - өченче, "Пилот"та Инсаф Ибраһимов - дүртенче, "125-А"да Айзат Садиков, "125-Б"да Расим Галимов - беренче, Марсель Садиков - икенче, "Восход"та Марсель Садиков - икенче, Илназ Артемьев өченче урыннарны алдылар. Җиңүчеләргә истәлек бүләкләре тапшырылды.