Концертта: Тямаев урынына клоны чыга, Элвинны күрергә теләүчеләр башта ялган Грейны карый

Казанның Уникс залында дистәлән танылган җырчылар катнашында «Йөрәктән - йөрәккә» хәйрия концерты үтте. Әлеге тамашада татар концертлары администраторы Эльмира Бәйрәмованың авыру әнисен дәвалауга акча җыелды. Күпчелек җырчылар аңа ярдәмгә үзләре килде, араларында популярлары да булды, Элвин Грей, Раяз Фасыйхов, Филүс Каһиров, Лилия Муллагалиева, Казан егетләре, Ландыш Нигъмәтҗановалар катнашты. /Tatar today/

Сәхнәдә мәзәк хәлләр дә булды, Фирдүс Тямаев булып кыланучы Асаф Вәлиев булып уйнаучыга бер пачка акча тоттырып, Асаф әфәндене Фирдүснең гитаристына әйләндерде. Чын Элвин Грейны көткән халык башта Әбри Хәбриев уйнаган ялганын карады, иң ахырдан чыны сәхнәгә чыкты. Шуңа да Элвин Татар-информ төшергән интернеттагы туры эфирга эләгә алмый калды.