(Казан, 15 апрель, «Татар-информ»). Акрынлап кәгазь больничныйлар бетереләчәк, аларны эшкә яраксызлык буенча электрон язу алыштырачак. Бу хакта ТАСС агентлыгына Хезмәт министрлыгының матбугат хезмәте хәбәр итә.
Дәүләт Думасы өченче укылышта хөкүмәт закон проектын кабул иткән. Әлеге канун проекты буенча вакытлыча эшкә яраксызлык, йөклелелек һәм бала табу буенча пособие рәсмиләштергәндә больничныйны кәгазьдә түгел, ә электрон рәвештә тапшырырга мөмкин булачак.
Хезмәт министрлыгында белдергәнчә, эшкә яраксызлык буенча электрон язу технологиясен кертү иминиятләштерү очракларында мәгълүмат алмашын үтәкүренмәле итә, медицина оешмаларында эшкә яраксызлык буенча кәгазь язуларны рәсмиләштерү чыгымнарын киметә, иминләштерүчегә дөреслекне тикшерү кирәклеген калдырмый һәм исәпне алып бару, хисап бланкларын катгый рәвештә саклау иминиятләштерелгән затның документ рәсмиләштерүдәге вакытын киметә.
Нет комментариев