Газетаның баш мөхәррире #подпиширодителей һәм #подпишиблизких акциясенә кушылды

"Хезмәт даны" газетасының баш мөхәррире Гөлгенә Шәрипова "Татмедиа" җәмгыяте тарафыннан оештырылган "Әти-әниеңне яздыр. Якыннарыңны яздыр" акциясенә кушылып, якыннарын "Хезмәт даны" газетасына яздырды.

-Үз әнием вафат, ә тормыш иптәшемнең әнисе поселокның Королев урамында яши. Район газетасын яратып укый. Анда басылган язмалар турында бергәләшеп фикер алышабыз, - ди ул.

Гөлгенә Шәрипова башка райондашларыбызны да шушы акциядә катнашып, туганнарын, авылдашларын, аз керемле гаиләләрне подписка белән бүләкләргә чакыра. "Тиздән Ураза аена керәбез. Якыннарыбызга шушы кечкенә генә бүләгебез - саваплы гамәл булыр. Район газетасы ярты ел дәвамында өйләребезгә чакырылган кунак кебек сөендереп торыр", - ди баш мөхәррир.