Фото: Зур Сәрдектә яшьләр концерт куйды

Концертта Киндеркүл авылы егете Эдуард Асапов та катнашып, матур җырларын бүләк итте. Шигъриятне үз иткән сүз осталары Илүсә Мөхәмәтгалиева, Ришат Минемуллиннарның, җырчыларыбыз Самат Минемуллин, Ильяс Минемуллиннарның чыгышлары алкышларга күмелде. Ә " Чәчкә" халык бию ансамбленең дәртле биюләре - программаның бизәге! Бу ансамбльгә йөрүче егет-кызлар менә дигән биюче генә түгел, бик оста итеп, спектакльләрдә дә уйныйлар. Алар сәхнәләштергән кызыклы күренешләрне карап, тамашачы рәхәтләнеп көлде, ял итте. Модельер кызыбыз Резидә Хәсәнованың "Асылъяр" киемнәр коллекциясе чыгышы да искиткеч булды. Яшьләребезнең киләчәге дә матур һәм бәхетле булсын иде, дип җиткерде Рәмзия Хөсәенова.