“Бизнес-десант” кукмаралыларда зур кызыксыну уятты

Республикабызның Икътисад министрлыгы Зур Кукмара мәдәният йортында укыту һәм эшмәкәрлекне популярлаштыру буенча "Бизнес-десант" дигән семинар үткәрде. Семинарны район Башкарма комитеты җитәкчесенең беренче урынбасары Чулпан Хәнәфина ачып җибәрде. Бу чарада районыбызның уңышлы 33 эшмәкәре, үз эшләрен башлап җибәргән 33 зат һәм эшмәкәрлек белән шөгыльләнергә ниятләгән 13 кеше катнашты. Алар үзләрен кызыксындырган сорауларга җаваплар, консультацияләр һәм республикада тормышка ашырылучы дәүләт ярдәме чаралары турында тәфсилле мәгълүмат алдылар. Эшмәкәрләр Рамазан Юнысов, Азат Мөнировларның үз эшчәнлекләре турындагы чыгышлары зур кызыксыну белән тыңланды.