Баланы мендәр белән каплап үтерергә җыенган бала караучы 9 ел төрмәдә утырачак

автор, 17 март 2016 - 06:27

1341

Казанда баланы мендәр белән каплап үтерергә җыенган бала караучыга карата хөкем карары чыгарылды. ТР башкаласы Идел буе районы суды 30 яшьлек Оксана Клейманга карата җинаять эшен карады. Ул РФ ҖК ның 30 маддәсе 3 бүлеге һәм 105 маддәсенең 2 өлеше "в" пунктында ("Кече яшьтәге баланы үтермәкче булу") каралган җинаять кылуда...

Казанда баланы мендәр белән каплап үтерергә җыенган бала караучыга карата хөкем карары чыгарылды.
ТР башкаласы Идел буе районы суды 30 яшьлек Оксана Клейманга карата җинаять эшен карады. Ул РФ ҖК ның 30 маддәсе 3 бүлеге һәм 105 маддәсенең 2 өлеше "в" пунктында ("Кече яшьтәге баланы үтермәкче булу") каралган җинаять кылуда гаепле, дип танылды.

Судта белдерелгәнчә, 2014 елның август башында Патрикеевлар гаиләсендә игезәк балаларны караучы булып эшләгән Клейман, малайларның берсе авырту сәбәпле, Казанда Республика балалар клиник хастаханәсенә эләккән. Төнлә палатадагыларның берсе бала караучының сабыйга мендәр капларга җыенуын күргән һәм тавыш куптарган. Шуннан җинаятьче хатынның гамәлләре ачыкланган.

Кече яшьтәге балага физик һәм рухи зыян китерелгән.

Клейман суд утырышында үз гаебен танымаган. Суд дәүләт гаепләүчесе фикере белән килешеп, аны 9 елга гомуми режимдагы төзәтү колониясенә җибәрү шарты белән ирегеннән мәхрүм иткән, дип хәбәр итә ТР прокуратурасы.

Татар-информ

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз