Атна ахырында буран көтелә

Республиканың гидрометеорология үзәге һава торышы бозылу турында кисәтә.

Республиканың гидрометеорология үзәге якшәмбе көнне, 30 октябрьдә һәм икенче атна башында һава торышы бозылу турында кисәтә.

30 октябрьдә республика территориясендә бераз кар явуы көтелә. Температура төнлә 1-6 градус салкын, ә көндез 3 градус җылыдан 2 градуска кадәр салкын булачак.

31 октябрьдә һәм 1 ноябрьдә синоптиклар фаразы буенча һава торышы бозылачак. 1000 метрга кадәр һәм аннан да кимрәк күз күреме белән кар һәм буран көтелә, җил секундына 15 метрга кадәр. Юлларда урыны белән бозлавык булуы ихтимал. Һава температурасы 1-6 градус салкын, көндез 1 градус җылыдан 3 градуска кадәр салкын көтелә.

http://tatar-inform.tatar