Арбаш авылын этләр баскан

Без сезгә, кемнән ярдәм сорарга да белмәгәч, борчылып шалтыратабыз. Авылыбызны этләр басты, өйдән чыгар хәл юк, урам тутырып йөриләр. Кыш үтеп китте, балалар рәхәтләнеп чаңгыда да йөри алмый калдылар, әби-бабайлар мәчеткә барырга курка. Беркөнне ферма янында 32 эт санаганнар. Әле тагын балаласалар, нишләргә кирәк? Үткән ел шул этләр аркасында каз-үрдәк, тавыкларсыз калдык. Быел да су буена чыгармыйча, читлектә генә үстерикмени кош-кортны? Болынга сыер-бозауларны арканларга да куркабыз. Җитәкчелек безнең моң-зарны ишетеп, берәр чарасын күрсен иде.

Арбаш авылы халкы

фото: http://www.nnforum.ru/news/proisshestviya/page/2/