6 сәгатьлек эш көненә күчәбез?

Хирурглар һәм шәфкать туташлары инде шулай эшли башлаган.

Кеше көненә 6 сәгать кенә эшләсә, игътибарлырак була һәм эш нәтиҗәсе дә күтәрелә икән. Белгечләр шундый нәтиҗә ясаган.

Шведциядәге берничә оешма инде 6 сәгатьлек эш көненә күчкән. Иң элек хирурглар һәм медицина хезмәткәрләренең эш сәгатьләрен киметкәннәр. Әмма аңа карап кына хезмәт хаклары кимемәгән.

Россиядә әлегә андый эксперимент куярга җыенмыйлар. Әмма якын киләчәктә бу бик мөмкин икән. 19 гасырда кешеләр көненә 12-16 сәгать эшләгән. 20 гасырда ул 8 сәгатькә калган. Бәлки 21 гасырда 6 сәгатькә дә калдырырлар әле?

- Без әз эшләп, шул ук хезмәт хакын алырга һәм күп вакытыбызны гаиләдә уздырырга тиешбез, - дип белдергән Хезмәт министры Максим Топилин.