18 яшьлек Кукмара районы егете суга батып үлде

Малмыж районының Иске Бурец авылы янәшәсеннән агучы Нократ елгасында фаҗига булды. Быел гына күппрофильле лицейны тәмамлаган, Жилой Рудник авылында яшәүче 18 яшьлек Дәүләтшин Айрат Марсель улы әти-әнисе белән ял итәргә баргач, суга батып үлде. Айратның әти-әнисенең, якыннарының тирән кайгыларын уртаклашабыз.

Көннәр эссе торганлыктан, җай чыгуга һәркем елга, күл буйларына су коенырга ашыга. Үзегезнең һәм тирә-юньдәгеләрнең гомеренә игътибарлы булып, саклык чараларын онытмасагыз иде.

фото: http://www.poleznayagazeta.ru