Әсән-Елгада яңа төзелгән ФАП, капиталь ремонт кичергән балалар бакчасы куллануга тапшырылды, һәм төзекләндерү эшләре алып барылган мәдәният йорты кунакларны кабул итте
Әсәньелгалыларның шатлыкларын уртаклашырга район башлыгы Сергей Димитриев, Татарстан Республикасының Баш инвестиция-төзелеш идарәсе директоры Илнар Хафизов, Татарстан Республикасы Мәдәният министры урынбасары Ленар Хәкимҗанов, төзелеш оешмасы җитәкчеләре һәм башкалар килгән иде.
Әсән-Елга авылында яңа төзелгән фельдшер-акушерлык пункты, капиталь ремонт кичергән балалар бакчасы куллануга тапшырылды, һәм төзекләндерү эшләре алып барылган мәдәният йорты кунакларны кабул итте.
Әсәньелгалыларның шатлыкларын уртаклашырга район башлыгы Сергей Димитриев, Татарстан Республикасының Баш инвестиция-төзелеш идарәсе директоры Илнар Хафизов, Татарстан Республикасы Мәдәният министры урынбасары Ленар Хәкимҗанов, төзелеш оешмасы җитәкчеләре һәм башкалар килгән иде. Алар халыкка матур теләкләрен җиткерделәр, аяз, имин күк йөзе теләделәр.
«Бүген бик шатлыклы мизгелләр кичерәм, күңелем тулы, бу көнне зарыгып көттем, чөнки җирлегебез өчен зур эшләр башкарылды. Аллага шөкер, теләкләребез тормышка ашты. Балалар бакчасы, мәдәният йортлары бер дә буш тормасын, ә фельдшер-акушерлык пунктына авылдашлар профилактик чаралар узарга гына йөрсен иде. Авылыбыз төзек, матур, халкы бик булган, бердәм, тырыш. Тик әле алга таба да башкарасы эшләребез бар. Мәчетебезгә реставрация ясарга кирәк, су буйларын чистартып матурлык булдырасыбыз бар, Пычак мәктәбе дә ремонт сорый. Барыбыз да сәламәт булып, шушы теләкләрне дә тормышка ашырырга язсын», — диде Илнар Хафизов.
фото: Ризилә Корбанова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев