3 уртача бәрәңге, 400 гр шампиньон гөмбәсе, 1 эре суган, 100 гр ак май, 2 аш к. он, 5 аш к. каймак, тоз, борыч, сыр.
Бәрәңгеләрне яхшы итеп юабыз һәм уртага кисәбез. Аннары пычак яки кашык белән эчен алабыз. Соңыннан бик нечкә итеп кабыгын әрчибез (яңа бәрәңге өлгергән вакыт булса бәрәңгеләрне әрчемәсәк тә була). Бәрәңгеләрне салкын суга салабыз.
Шул арада эчлек әзерлибез. Гөмбәне 5-7 минут табада кыздырабыз, аннары ваклап туралган суган салабыз, тагын шул кадәр утта тотабыз һәм он өстибез, яхшылап болгатабыз, каймак, тоз, борыч салып каймак куерганчы 3-4 минут утта тотарга.
Табаны майлыйбыз, һәр бәрәңгегә тоз сылап чыгабыз, эченә кечкенә кисәк ак май һәм эчлекне салабыз.
180-200 градус кайнарлыктагы газ миченә 20 минутка тыгарга, аннары өстенә уылган сыр сибәргә һәм әзер булганчы тотарга.
Тәмле һәм тиз әзерләнә торган ризыкларның башка рецептлары монда.
Нет комментариев