Урам ямен иске автобуслар боза

Миңа 91 яшь, әле дә тормыштагы һәр нәрсә белән кызыксынып яшим. Менә Кукмарабыз да шәһәр статусы алды. Ул моңа бик лаек. Урамнары елдан-ел төзекләнә, җәен чәчәккә күмелә, тротуарлар ясала. Урам тутырып чапкан машиналар да берсеннән-берсе затлы. Шушы күркәм күренешне бер генә нәрсә боза: поселок буенча йөрүче автобуслар бик иске, кайберләре бөтенләй күгәреп беткән. Яңа автобуслар сатып алырга күп акча кирәклеген аңлыйм, моңа мөмкинлек юктыр. Шуңа иске автобусларны бер кат буяп чыксыннар иде, аңа гына акча табылыр дип уйлыйм.