Кукмараның Яхин урамында яшәүчеләр ЮХИДИ инспекторларын көтә

Безнең Яхин урамында бала-чагага уйнар урын юк. Тротуар да юк. Балалар өчен мәйданчыкны әйтеп тә тормыйм инде. Сабыйлар Прокофьев белән Яхин урамнары кисешкән урында уйнарга мәҗбүр. Үзегез беләсез, юл тулы, урам тулы машина хәзер. Ә безнең урам аша шактый зур тизлектә хәрәкәт итүчеләр дә күп. Көннәр җылына башлау белән балаларны өйдә тотып булмый. Район ЮХИДИ хезмәткәрләре безнең тирәгә дә килгәләсеннәр иде. Тизлекне тикшереп тора торган аппаратны -радарны берничә көнгә урамыбызга куеп торсалар машина йөртүчеләр дә әзме-күпме акылга килерләр иде.