Бер урында инде яңа тукталыш төзелсә, икенче урында халык һаман туңып автобус көтә
1 номер тукталышында өр-яңа кибет-тукталыш калкып чыкты. Ә менә полиция бинасы янындагы борылышта кайчан да булса тукталыш төзелүенә халык өметен өзде бугай. Ачык һавада, яңгырда, җил-буранда автобус көтеп тору бер дә рәхәт түгел. Арыгач, яндагы өйнең рәшәткәсенә сөялүчеләр дә бар. Киртәләр ничек чыдатсын, шулкадәр кешеләр агымын: сынып, авып бетәләр.
