Кукмаралылар бердәм булып “Татарстан кроссы”нда катнашты (+фото)

Бүген, 22 сентябрь, якшәмбе көнне, Кукмарада "Татарстан кроссы - 2013" йөгерү ярышлары узды. Старт Боз сараеннан бирелде. Бәйгедә балалар да, яшьләр дә, җитәкчеләр һәм ветераннар да актив катнашты. Аерым командалар белән килүчеләр дә бар иде.

-Җиңел атлетика минем иң яраткан спорт төрләренең берсе, - ди Кукмарадан Әлфинур ханым. - Элек-электән йөгерешләрдә катнаша идем. Быел сәламәтлегем какшап китү сәбәпле, "Татарстан кроссы"нда үз өлешемне кертә алмадым. Шулай да карарга килдем. Көне дә бик матур, катнашучылар да күп.

"Татарстан кроссы"ннан тулырак язманы һәм җиңүчеләр исемлеген "Хезмәт даны" газетасының чәршәмбе саныннан укып белергә мөмкин булачак.