Кукмаралы кесә телефоны урлаган

Район судында 1995 елгы кукмаралыга карата хөкем карары чыгарылган.
Яшь егет исерек килеш, “Вконтакте” социаль челтәрендә, янәсе, үзенең битен карау өчен, танышыннан кесә телефоны сорап торган. Әмма аны алгач, танышы берничә тапкыр таләп итсә дә, кире кайтарырга ашыкмаган. Көч кулланып, зыян күрүчене этеп җибәргән һәм ул җиргә егылган. 23 яшьлек кукмаралы, җинаятьчел гамәлләрен дәвам итеп, телефонны ачыктан-ачык урлаган. Алга таба ул җинать урыныннан качкан. Суд утырышында ул үз гаебен тулысынча таныган. Карак сынау срогы белән шартлы рәвештә ике елга ирегеннән мәхрүм ителгән.