“Зебра” кирәклеге бәхәссез

Рудник авылы каршындагы "Әхмәт" тукталышы, гадәттәгечә, ике яклы. Кукмарага бару өчен юлның икенче ягына, зират турысына чыгарга кирәк. Машиналар хәрәкәте көчле булганлыктан, кайчак чыгарга аптырап торасың. Беркөн күрәм: "7 километр" тукталышы ягыннан Кукмарага таба автобус килеп туктады. Бер хатын, машиналар агымына куркып карый-карый, юл аша автобуска таба йөгерде. Автобус озак көтә алмый бит! Иң алдагы машина хуҗасының аны үткәрергә исәбе юк иде: кычкырта-кычкырта, ягъни теге хатынга кисәтү ясап, алга чабуын белде. Таптаткан булса?! Бу урында җәяүлеләр өчен "зебра" ясарга кирәктер инде.