Җәяүле дә игътибарлы булсын

Базар янында светофор куелуны һәркем сөенеп кабул итте. Әмма кайбер җәяүлеләр, элеккеге гадәт буенча, светофорга бөтенләй игътибар бирмичә генә, кызыл ут янганда да юл аша чыгалар. Беркөнне җәяүле ике ханым аздан гына җиңел машинага бәрелми калдылар. Шофер кешегә нинди зур стресс бит бу! Вакытында туктап өлгермәсәң, ниләр буласын хәтта уйларга да куркыныч. Шуның өчен светофорның билгеләренә шоферлар гына түгел, җәяүлеләр дә игътибарлы булырга тиеш.

Айзат, шофер