Сезне сагынып яшим

Моннан алты ел чамасы элек табиб Әлфия Мамлиева сәламәтлекне ныгыту өчен "Зилант" спорткомплексына йөрергә тәкъдим итте. Анда без барыбыз бер тирә - 55-70 яшьлек пенсионерлар идек. Бу төркемне Римма Әхмәдиева оештырды. Тренерыбыз Наилә ярдәме белән төрле күнегүләр ясадык, бассейнда йөздек. Рашидә, фотоларга төшереп, безнең хатирәләрне яңартырга матур рәсемнәр калдырды.

Миңа быел яман чирдән операция кичерергә туры килде. Чирем бик җитди булу сәбәпле, "Зилант"ка башка бара алмадым. Анда бергә йөргән иптәшләрем гел хәлемне белеп тордылар, туган көнем белән дә өйгә килеп котладылар. Минем күңелемне күргән өчен, Аллаһы Тәгалә сезне дә олыласын, сәламәт булыгыз.

Сезне сагынып яшәүче Тәнзилә ЗАКИРОВА, Туеш