Почтальоннарның эш хакын арттырсыннар иде

Почтальоннар зур булмаган хезмәт хакына гаять җаваплы һәм авыр эш башкаралар. Ишегалдында эт асраучылар күп, кайсы бәйдә, кайсы бәйләмәгән, ә бит курыкмыйча керергә кирәк. Ычкынып китеп, бозау кадәр эт өстенә сикерсә, газета-журналларың, акчаларың харап була дигән сүз. Аннары җавап тотасы бит. Кермичә китсәң дә ярамый: вакытында китермиләр, дип зарланачаклар. Яңгырлы, кар-буранлы, җил-давыллы көндә йөрергә кирәк. Гаиләләрнең дә төрлесе бар: пенсия бирү өчен исерекләр янына да зур акчалар белән керергә туры килә аларга. Почтальоннарның эш хакын арттырсыннар иде.

Кәүсәрия МИННЕГАЛИЕВА