Ныртыда яшәүче Минҗамал Харисовадан гөмбә маринадлау рецепты

Гөмбәләрне яхшылап юып, ут өстендә 5 минут кайнатасы. Суын түгеп, кабат юганнан соң, гөмбәләр өстеннән 2-3 сантиметр биегрәк итеп су салып, аңа 1 килограмм гөмбә исәбеннән 5-6 түгәрәк кара борыч, шулкадәр үк хуш исле борыч, 1 лавр яфрагы, чәй калагы очында лимон кислотасы, бер чеметем корица, 1 чәй калагы шикәр комы, 1,5 аш калагы тоз, 1-2 аш калагы алма уксусы салып, 10 минут кайнатасы. Духовка эчендә стерильләштергән банкаларга тутырып-ябып, уты әз генә яндырылган духовка эчендә 10 минут тотасы.