Күземә арпа чыкты (киңәш)

Күп еллар күземә арпа чыгып тилмертте. Аптырагач, дару үләннәре белән дәваланып карадым. Шуның берничә ысулын сезгә дә тәкъдим итәм.

Бер чәй кашыгы пәйгамбәр тырнагы чәчәген 1 стакан кайнар суда төнәттем. Шунда марляны чылатып, күземә ябып куя идем. Шулай ук ак чыршы суын һәм маен да файдаланып карадым. Күз кабагын кысып ябып, 1 тамчы су яки майны бармак белән күз кабагына сөртәсең. Иң мөһиме, күзгә керергә тиеш түгел. Арпа белән интеккәндә берьюлы 5-6 гөлбадран чәчәген ашарга кирәк. Артыннан су эчәргә онытмагыз.

Арпага кагылышлы берничә киңәш:

- арпа чыккан күзне бәйләргә ярамый. Чөнки бактерияләрнең күпләп үрчеп, бөтен күзгә таралуы бар;

- арпаны сыта күрмәгез.

Табиб белән киңәшләшү кирәк.

Фото: likar.info