Кукмара музее шундый ошады

Беркөнне тарихыбыз белән танышырга теләп район музеена экскурсиягә барган идем. Ишектән килеп керү белән мине чибәр кызлар елмаеп каршы алдылар, итәгатьле итеп сөйләштеләр, иң кадерле кунаклары кебек музей буйлап озатып йөрделәр. Кукмарабызда күңелгә якын шундый урын булуына, бигрәк тә тәрбияле, үз эшләрен җиренә җиткереп башкаручы музей хезмәткәрләре булуына сөенеп куйдым. Гомумән, музейга кереп, бер сәгатьләп "сәяхәт" иткәннән соң, үземне башка дөньяга барып кайткандай хис иттем.

Фәнис, Кукмара