Чалбарлыга калфак килешми

Беркөнне телевизордан башына чиккән калфак кигән бер ханымны сөйләттеләр. Сүз дә юк, татарның милли калфагы килешеп тора үзенә, йөзе дә сөйкемле, нурлы. Әмма бу ханымның чалбардан булуы гына гаҗәпләнү тудырды. Соң, калфак бит ул – халкыбызның милли киеме, аны, гадәттә, бай сәүдәгәрләр, муллалар, зыялы кешеләр гаиләсендәге хатын-кызлар чәчләренә кадап йөрткән. Алар ефәк күлмәкләр, затлы камзуллар, чигүле читекләр кигәннәр. Берсе дә ирләр киеме булып саналган чалбардан йөрмәгәндер. Шулай булгач, нигә чалбар киеп, калфакның ямен алырга?

Газета укучы