Шәфкатьле Нурфия

"Шәфкать" тернәкләндерү үзәгендә 2009 елдан бирле күзәтчелек советы уңышлы эшләп килә. Совет әгъзалары мөмкинлекләре чикләнгән балалар һәм үсмерләр тормышында актив катнашып кына калмыйлар, аларның сәламәтләндерү өчен көчләреннән килгәнчә матди ярдәм күрсәтәләр. Зур Кукмарада яшәүче Нурфия Төхвәтуллина - шуларның берсе. Ул әлеге балалар турында ихлас кайгыртып, аларның тормышлары белән кызыксынып, тернәкләнүгә таба ясалган һәр адымнары өчен сөенеп яши. Үзәктә ай саен үткәрелгән чаралар - ярышлар, конкурсларга үзеннән саллы өлеш кертә. Без аны эчкерсез, якты йөзле булуы, балаларның күңелләренә ачкыч таба белүе өчен хөрмәт итәбез. Гаиләсендә ул уңган хуҗабикә, тормыш иптәше Наилнең ышанычлы терәге, яраткан әни. Нурфия ханымга сәламәтлек, бәхет-шатлыклар, хезмәтендә уңышлар телибез.

Тернәкләндерү үзәге коллективы