Кукмара Сабан туеннан фоторепортаж (1 өлеш)

Кичә Киндеркүл авылы янындагы тугайда милли бәйрәм - Сабантуй узды. Бәйрәм район Мәдәният йорты хезмәткәрләре һәм укучылар көче белән әзерләнгән "Ямьле безнең Сабан туе" дигән театральләштерелгән тамаша белән башланып китте. Район башлыгы Сергей Димитриев, Татарстан Дәүләт Советы рәисе урынбасары Римма Ратникова, Татарстан Республикасының Конституцион Суды рәисе Фәрхәд Хөснетдинов, "Татарстан халыклары ассамблеясе" Башкарма комитеты рәисе Николай Владимировлар үзләренең котлау сүзләрен җиткерделәр. Сабантуй милли уеннар, спорт бәйгеләре, җыр-бию белән үрелеп барды. Ат чабышы, милли көрәш тә һәркемнең күңеленә хуш килде. Сабантуйның баш батыры булып Ядегәрдән Фәнил Исмәгыйлев калды.