“Балаңның күзеңә карап ярдәм соравыннан да авыррак нәрсә юк икән"

автор, 3 декабрь 2015 - 12:02

688

"Балаңның күзеңә карап ярдәм соравыннан да авыррак нәрсә юк икән, - ди Казанда яшәүче 5 яшьлек Әмирнең әтисе Эльбрус. - Улыбыз бик тә көтеп алган балабыз. Хатыным да авырга узуын белүгә, үз-үзен карады. Табигый ризыклар белән генә тукланды. Һәрдаим табибларга күренеп торды. Алар нинди анализ бирергә кушса - шуны тапшырдык....

"Балаңның күзеңә карап ярдәм соравыннан да авыррак нәрсә юк икән, - ди Казанда яшәүче 5 яшьлек Әмирнең әтисе Эльбрус. - Улыбыз бик тә көтеп алган балабыз. Хатыным да авырга узуын белүгә, үз-үзен карады. Табигый ризыклар белән генә тукланды. Һәрдаим табибларга күренеп торды. Алар нинди анализ бирергә кушса - шуны тапшырдык. Түләүлесенә дә каршы килмәдек. Балабыз исән-сау тусын, сау-сәламәт булсын өчен акчабызны да, вакытыбызны да кызганмадык".

Лилиянең бала табар вакыты җиткәч, ир белән хатын хастаханәгә бергә баралар.

- Лилиянең суы китә башлады. Без бу хакта табибларга да әйттек. Тик алар бераз көтәргә куштылар. Лилиянең көчле тулгаклары узды. Шуннан соң гына бала табу урындыгына яткырдылар. Ул вакытта хатыным бөтенләй хәлсезләнеп беткән иде инде. Лилия ике сәгатьләп тилмерде. Инде таба гына дигәндә, бала кысылып калды, - дип искә ала Эльбрус.

Ир табиблардан кесарев кисүе ясауларын үтенә. Тик алар, сезнең күрсәткечләрегез әйбәт, үзе дә таба ала, дип җавап бирә. Шулай итеп, кечкенә Әмир дөньяга килә. Бу вакытка ул зәңгәрләнеп беткән була.

- Табиблар аны, үлде, дип үлчәргә алып китте. Тик шулвакыт, йөрәгенең типкәнен ишетеп, ясалма сулыш алдыра торган аппаратка тоташтырдылар, - ди Эльбрус.

Бергә бала табуның авырлыкларын кичергән әти-әни авыру баланы тәрбияләүдән дә курыкмый. Алар улларын нинди генә табибка күрсәтеп карамыйлар.

- ДЦП диагнозлы булса да, ул башка авыру балалардан аерылып тора. Аның туганда алган җәрәхәтләр аркасында шулай булуы сизелеп үк тора. Баш миенә зыян килгән. Шуның аркасында умырткалыклары кәкрәя, аяклары эчкә карап үсә башлады. Баштарак бик көчле өянәкләре дә була иде. Хәтта сабыйның 24 сәгать буе тилмергәне булды. Андый вакытларда баланы күтәреп йөри идем. Аның гәүдәсе җыерылганнан кулыма авырлык төшә. Ә менә бала түзгән бит! Шуннан соң аны табибларга күрсәтеп, дару алдык. Аллага шөкер, хәзер улымның өянәкләре бетте, - ди әтисе.

Әмир белән әтисе гел шөгыльләнә икән. Махсус физик күнегүләр ясатам, ди. Элегрәк башын гел артка җибәреп торган малай, хәзер инде бераз булса да уңайланып киткән.

- Әлегә аякларының кәкрәеп баруына бик борчылабыз. Бердәнбер карап торган балабыз бит ул. Татарстан, Россия табибларыннан җылы сүз ишетмәгәч, чит ил клиникаларына язып карадык. Ә андагы табиблар: "Биш ел буе нишләдегез? Мондый диагнозлы баланы аякка бастырырга була бит", - диделәр. Вакыт узса да, ярдәм итеп булачагына ышандыралар. Шулай итеп, операция ясатыр өчен чит илгә барырга булдык. Моның өчен бер миллион сумнан артык акча кирәк. Беразын җыйдык та инде. Элек бергә эшләгән дусларым ярдәм итеп тора иде. Алар эштән киткәч, булышыр кешем калмады. Бар тапкан акчабызны, улыбызның сәламәтлеген яхшыртыр өчен, җыеп барабыз. Әмма чит кешеләр ярдәменнән башка булмый бит. Шуңа күрә газета укучыларга да мөрәҗәгать итәргә булдым, - ди Эльбрус.

Булышырга теләүчеләр өчен исәп-хисап счеты:

СБЕРБАНК КАРТАСЫ:

Получатель: ЗИННАТУЛЛИН ЭЛЬБРУС АЛЬНУРОВИЧ

Номер карты: 4276 8620 2082 3292

Сбербанк ОнЛ@йн https://online.sberbank.ru/CSAFront/index.do

Полные реквизиты карты VISA Electron

Получатель: Зиннатуллин Эльбрус Альнурович

Сбербанк России ОАО Отделение "Банк Татарстан" № 8610

д/о № 8610/020, г. Казань. Адрес:

г. Казань, ул. Петербургская, 28

Счет: 40817810862120579978 (лицевой счет вкладчика)

Банк получателя: