Кукмарада иң яхшы студент-автомобильчеләрне билгеләделәр

Кукмара аграр көллиятендә автомобиль йөртүче студентлар арасында “Автосессия-2019” конкурсы үткәрелде. Конкурс автомобильне фигуралы йөртү һәм юл кагыйдәләрен белү буенча ике этапта оештырылды.

Конкурс нәтиҗәләре буенча Дмитрий Алексеев – беренче, Андрей Александров – икенче, Артем Тимофеев өченче урын яулады. Газизҗан Сабиров – “Юл йөрү кагыйдәләрен белү”, Даниил Михайлов “Автомобильне фигуралы йөртү” номинациясендә җиңүче булды.

Аларга, Кукмара данын яклап, сентябрь азагында Казанда узачак “Автосессия-2019” республика конкурсында катнашырга туры киләчәк.