Районда юл фаҗигаләрен кисәтү, бәхетсезлек очракларының санын киметүгә юнәлдерелгән "Иминлек атнасы" башланды. Ул 28 сентябрьгә кадәр дәвам итәчәк.
ЮХИДИ хезмәткәрләре балалар бакчаларында тәрбияләнүчеләр, аларның әти-әниләре, мәктәп укучылары белән дә очрашып, кисәтү әңгәмәләре үткәрәләр, юл йөрү кагыйдәләренә багышланган конкурс-викторина, ачык дәресләрдә катнашалар. Инспекторлар җәяүлеләргә тәүлекнең караңгы вакытында киемнәрендә яктылыкны кире кайтара торган элементлар (фликерлар, значоклар, беләзекләр) кулланырга киңәш итәләр.
Нет комментариев