Кукмарада 74 исерек шофер правасыз калган

Район юл хәрәкәте иминлеге дәүләт инспекциясеннән алынган мәгълүматларга караганда, агымдагы елның биш аенда районда 10 юл-транспорт һәлакәте теркәлгән, аларда бер кешенең гомере өзелгән, 14е төрле тән җәрәхәтләре алган. Зыян күрүчеләрнең 4се - балалар. Һәлакәтләргә китергән төп сәбәпләр булып тиешле тизлекне сакламау, урам чатларында, узып киткәндә кагыйдәләрен үтәмәү тора.

Әлеге чорда ЮХИДИ хезмәткәрләре тарафыннан 74 исерек шофер, юл йөрү кагыйдәләрен бозган өчен штрафларын үзвакытында түләмәгән 133 шофер тоткарланган.