Кукмара районында ике автомобиль бәрелешкән, аларның берсе юл читенә төшеп киткән

Кукмара районында ике автомобиль бәрелешкән, аларның берсе юл читенә төшеп киткән. Бу хакта Кукмара районы ЮХИДИ бүлеге хәбәр итә.

Авария бүген 11.00 сәгатьтә Кукмара-Шәмәрдән автоюлының 2 чакрым+200 метрында Зур Кукмара авылы янында була. «Шкода» автомобиле йөртүчесе, икенче дәрәҗәле юлдан барганда, төп юлдан хәрәкәт итүче «Нива» машинасына юл бирми, нәтиҗәдә, аның белән бәрелешә. «Нива» бәрелүдән юл читенә төшеп китә.

Юл-транспорт һәлакәте нәтиҗәсендә беркем дә зыян күрмәде.

Фото: Кукмара районы ЮХИДИ бүлеге