Кукмара районында җиңел машина йөк машинасына бәрелә һәм юл читенә төшеп китә, бер кеше зыян күрә

Кукмара районында җиңел машина йөк машинасына бәрелә һәм юл читенә төшеп китә. Бу хакта Кукмара районының дәүләт автоинспекциясе хәбәр итә.

Авария бүген 16.30 сәгатьтә Кукмара районының Янил авылы янында «Балтач – Шәмәрдән – Вахит – Янил» автомобиль юлының 9нчы чакрымында була.

«14"ле йөртүчесе тиешле интервалны сакламыйча каршы як полосадан хәрәкәт итүче йөк машинасын «эләктерә» һәм трассадан юл читенә төшеп китә.

Юл һәлакәте нәтиҗәсендә җиңел машина йөртүче зыян күрә. Аны ашыгыч ярдәм машинасында Кукмара үзәк дәваханәсенә алып китәләр.

Фото: район ЮХИДИ идарәсе