Кичә юл фаҗигасендә райондашларыбызның гомерләре өзелгән

Кичә, 24 августта, кичке сәгать алтылар тирәсендә Казан-Малмыж юлының 49нчы чакрымында юл фаҗигасе була: "Лада-Калина" һәм чит ил автомобиле бәрелешә. Район юл хәрәкәте иминлеге дәүләт инспекциясеннән алынган мәгълүматларга караганда, "Калина"ның 1973 елгы шоферы, шул ук машинадагы 1976 елгы пассажир хатын-кыз алынган тән җәрәхәтләреннән һәлак булалар. 16 яшьлек пассажир Арча үзәк дәваханәсенә җибәрелә.

Фаҗигагә очрап гомере өзелүчеләрнең кукмаралылар икәне билге булды. Аларның гаиләсе, якыннары һәм туганнарының авыр кайгыларын уртаклашабыз.