Акцияләр бара

29 мартка кадәр республикада "Үлем белән кайда сатуларын хәбәр ит!" ведомствоара Бөтенроссия акциясе уза. Наркотиклар тарату, "ак үлем" белән сату итү урыннарын белүчеләрнең Россия Эчке эшләр министрлыгының Кукмара районы буенча бүлегенә 2-70-80, 02 телефоннары аша хәбәр итүләре сорала.
***
Полиция подразделениеләре һәм җинаять-башкару инспекцияләре көче белән 26 мартка кадәр "Условник" оператив-кисәтү акциясе бара. Әлеге акциянең төп максаты - эчке эшләр бүлегендә, җинаять-башкару инспекцияләрендә исәптә торучы, шартлы рәвештә хөкем ителү тәртипләрен бозучы затларны ачыклау, тәрбияви йогынтыны арттыру, алар тарафыннан хокук бозуларны кисәтү.
Р.ГАРИФУЛЛИН, полиция начальнигы урынбасары