Табигать "сюрпризлары" гына кәефе бозмасын

Шимбә көнне Нур Баян урамында авыл хуҗалыгы ярминкәсе үткәрелде. Ул күпфатирлы йортларда яшәүчеләр һәм пенсионерлар өчен күптән көтеп алынган бәйрәм булды. Чөнки үзеңә кирәкле продукцияне сатып алу өчен ерак барасы түгел бит, барысы да янәшәдә генә. Ярминкәгә килүчеләр дә күп итеп кишер, чөгендер, суган, кәбестә, ашлык, ит һәм башка азык-төлек сатып алдылар. Бәяләре дә кибетнекенә караганда арзанрак иде. Сатучылар да, сатып алучылар да канәгать калды. Тик барысына да ярап бетеп  булмый, яңгыр явып узганлыктан, җирдә барлыкка килгән зур булмаган күлләвекләр дә кайберәүләрдә ризасызлык тудырды. Әлбәттә, алар зур проблема түгел һәм ярминкәне бозмады. Әмма шуны аңласыннар иде: бу кеше факторы түгел, ә табигать “сюрпризы”.

Нур Баян урамында яшәүче

фото: pixabay.com