Олыязда автобус тукталышын кем ясаган?

Олыяз авылының автобус тукталышын кем генә ясады икән - анда җил, буран уйнап тора, кыеклатып яңгыр яуганда да ышыкланырлык түгел. Утыргычы тимердән, кышкы 30-40 градуслы суыкларда яки җәйге челләдә бер кат күлмәктән генә утырып кара. Ә район үзәгендә мин күргән тукталышларда утыргычлар агачтан ясалган, җайлы. Үзәк трассадан авылга килүче юлның торышы бик начар, аны ремонтламыйча калмаслар. Шул вакытта тукталышны да үзгәртерләр әле дигән өметем бар.

Рәсимә СӘЛАХОВА, Олыяз авылы