Спорт яңалыклары

“Атлант” спорт мәктәбе укучысы Ясинә Гайфетдинова Пермь шәһәрендә узган федераль округ беренчелегендә катнашып, икенче урын яулдаы. Тренеры – Илшат Сәмигуллин.

***

Балаларны сәламәтләндерү-белем бирү (профильле) үзәгендә тәрбияләнүче Сәлим Рәхмәтуллин, Казанда Наил Мөхәммәтҗанов истәлегенә үткәрелгән классик шахмат буенча ачык республика турнирында катнашып, 138 кеше арасында 1нче урынны яулады. Педагогы - Владислав Абдулов.

***

Балаларны сәламәтләндерү-белем бирү (профильле) үзәгенең яшь шахматчылары Удмуртия Республикасында авыл җирендә яшәүчеләр арасында үткәрелгән рапид һәм блиц буенча Бөтенроссия шәхси-команда ярышларында катнаштылар.
13 яшькә кадәрге кызлар арасында Әлфия Гыйләҗева рапид буенча – җиңүче, ә барлык кызлар арасында икенче дәрәҗә призер кубогына ия булды. Нурлан Хисмәтов рапид һәм блиц буенча үз яшь категориясендә җиңү яулады. Данис Газизов рапидта - икенче, блицта өченче урын алды. Зөләйха Хуҗина блиц буенча бронза призер булды. Педагог - Владислав Абдулов.

***

Манзарас урта мәктәбе командасы педагоглар Фәрит Сәйфетдинов һәм Ядгәр Төхбәтуллин җитәкчелегендә Теләчедә узган “Мини-футбол – мәктәпкә” Бөтенроссия проектының финал турнирында катнашып, 3нче урынны яулады.

***

“Зилант” спорткомплексы тренеры Айрат Вахитов укучылары – волейбол бүлегенең 2008-2009 елгы кызлар җыелма командасы, Уржум шәһәрендә Советлар Союзы Герое Лавр Рокин истәлегенә багышланган волейбол буенча ачык турнирда катнашып, бронза призер булдылар.