Баланың пенсия алу хокукы сакланырмы?

- Берничә ел элек хатыным вафат булды. Безнең улыбыз бар, аңа туйдыручысын югалткан өчен пенсия билгеләделәр. Күптән түгел мин өйләндем. Хатыным малайны уллыкка алырга тели. Пенсия белән ничек булыр соң, баланың аны алу хокукы сакланырмы?

Александр СЕРГЕЕВ

- Гамәлдәге законнар нигезендә,  туйдыручысын югалту буенча иминият пенсиясен мәрхүмнең тәрбиясендә торган эшкә сәләтсез гаилә әгъзалары  алырга хокуклы.  Болар:  18 яшькә җитмәгән балалары, төрле типтагы уку йортларында (өстәмә белем бирү учреждениеләреннән башка) көндезге бүлектә  белем алучылар, әмма  укып бетергәнче, ләкин 23 яшьләре тулганчыга кадәр генә.
Балигъ булмаган балалар уллыкка алынганнан соң да пенсиягә хокукны саклап калалар. Шулай итеп, хатыныгыз уллыкка алса да, малаегызга пенсия түләнәчәк.

фото: Эльвира Мөбарәкшина/ "Хезмәт даны"