Юлия Наумова Кукмара прокуратурасының биш еллык эшчәнлеге белән танышты

Районда эш визиты белән Татарстан Республикасы прокуроры урынбасары Юлия Наумова булды. Сәфәрнең максаты – район прокуратурасының бишьеллык эшчәнлегенә нәтиҗә ясау. Бу уңайдан прокуратурада комплекслы тикшерү үткәрелде. 

«Биш ел эчендә күп эшләр башкарылган, болар барысы да комиссия тарафыннан билгеләнде. Гражданнарның һәм юридик затларның, эшмәкәрләрнең хокуклары бозылмасын өчен, хокукый актларны кабул итү буенча максат яхшы куелган. Балигъ булмаганнарның хокукларын яклау буенча да күп чаралар күрелгән», - диде Юлия Наумова. 

Бу көнне Юлия Наумова район халкын да кабул итте. Пенсиягә вакытыннан алда чыгу, сугыш елы чорларында туган балаларга ташламалар, зыян күргән банкка карата ничек итеп дәгъва төзү буенча сорауларга җаваплар бирелде.