Югары Өскебашта металл чыбык һәм редуктор урлаган кешене тоткарлаганнар

Агымдагы елның 13-14 сентябрендә билгесез зат Югары Өскебаш авылындагы мал абзарыннан металл чылбыр һәм электромоторсыз редуктор урлый. Полиция хезмәткәрләре бу явыз гамәлне башкаручының тиз арада кем икәнлеген ачыклыйлар. Ул 32 яшьлек шул ук авыл кешесе булып чыга. Ул гаебен танып күрсәтмә бирә, урланган әйберләр кире кайтарыла. Хәзерге вакытта әлеге факт буенча җинаять эше ачу турында сорау карала.

фото: Татар-информ