Татарстанда тәүлек эчендә коронавирусның 48 яңа очрагы ачыкланган

Татарстанда узган тәүлектә коронавирусның 48 яңа очрагы ачыкланган. Бу хакта ТРда коронавирус буенча оператив штаб хәбәр итә.

Барысы да якыннан аралашканда йоктырылган. 24 кеше дәваханәгә салынган, 24 кеше өйләрендә дәвалана.

Казанда – 19, Яр Чаллыда – 13, Әлмәт һәм Менделеевск районнарында – өчәр, Яшел Үзән районында - 2, Бөгелмә, Югары Ослан, Биектау, Кама Тамагы, Түбән Кама, Питрәч, Тукай һәм Ютазы районнарында – берәр авыру очрагы ачыкланган.

Бөтен вакыт эчендә Татарстанда Covid-19ның 18 975 очрагы теркәлгән, 15 769  кеше терелгән, шул исәптән 57 - узган тәүлектә.

Фото: «Татар-информ» МА