Татарстанда тәүлек эчендә коронавирусның 33 яңа очрагы ачыкланган

Татарстанда узган тәүлектә коронавирусның 33 яңа очрагы ачыкланган. Бу хакта ТРда коронавирус буенча оператив штаб хәбәр итә.

Бер кеше чирне читтә йоктырып кайткан, калганнары якыннан аралашканда йоктырылган. 16 кеше дәваханәгә салынган, 17 кеше өйләрендә дәвалана.

Казанда – 12, Чаллыда – 6, Лениногорск районында – 5, Яшел Үзән районында – 4, Лаеш һәм Питрәч районнарында – икешәр, Югары Ослан һәм Түбән Кама районнарында - берәр авыру очрагы ачыкланган.

Бөтен вакыт эчендә Татарстанда Covid-19ның 21 107 очрагы теркәлгән, 18 036  кеше терелгән, шул исәптән 22 - узган тәүлектә.

Фото: «Татар-информ» МА