Татарстанда тәүлек эчендә COVID-19ның 52 яңа очрагы ачыкланган

Татарстанда тәүлек эчендә COVID-19ның тагын 52 яңа очрагы ачыкланган. Бу хакта ТРда коронавирус буенча оператив штаб хәбәр итә.

1 очрак читтән кертелгән, калганнары элемтә нәтиҗәсендә. Хастаханәләрдә - 18е, 34е өйләрендә дәвалана.

Татарстан башкаласында 32 кеше коронавирус йоктырган, сигез очрак - Яр Чаллыда, Яшел Үзәндә – 4, ике очрак – Алабуга һәм Тәтеш районнарында, бер очрак Буа, Менделеевск, Балык Бистәсе, Чистай районнарында ачыкланган. 

Пандемия чорында 17 923 татарстанлы коронавирус белән авырган, 14 546 кеше дәваланган.

Фото: «Татар-информ»