Татарстанда тәүлек эчендә 86 яңа коронавирус очрагы ачыкланган

Татарстанда узган тәүлектә 86 яңа коронавирус очрагы ачыкланган. Бу хакта коронавирус буенча оператив штаб хәбәр итә.

Шуларның 2се читтән кертелгән, 84е элемтә нәтиҗәсендә. 31 кеше хастаханәгә урнаштырылган, 55 кеше өйләрендә дәвалана.

Казанда – 40 очрак, Яр Чаллыда – 14 очрак, Буа, Яшел Үзән, Чистай районарында – 3әр, Әлмәт, Биектау, Түбән Кама, Норлат, Балык Бистәсе, Саба районнарында – 2шәр, Аксубай, Алексеевск, Баулы, Бөгелмә, Югары Ослан, Алабуга, Кама Тамагы, Кукмара, Мөслим, Питрәч, Тәтеш районарында - берәр очрак.

Бөтен вакыт эчендә республикада 15 275 Covid-19 очрагы теркәлгән. 11659 кеше терелгән, шуның 82се узган тәүлектә.

фото: «Татар-информ»