Татарстанда грипп һәм ОРВИ белән авыручылар саны арткан

Бу елның беренче атнасында Татарстан башкаласында грипп һәм ОРВИ белән 8,4 меңнән артык кеше авырды, дип сөйләде Татарстан сәламәтлек саклау министры урынбасары - Казанның Сәламәтлек саклау идарәсе башлыгы Илназ Әхмәдиев.

Казанда эпидемиологик хәл ноябрь башыннан начарая башлады, ул вакытта 3 яшьтән алып 6 яшькә кадәрге балалар ешрак авырды. Хәзер бөтен Татарстан буенча ОРВИ һәм грипп белән сезонлы авыру дәрәҗәсе саклана.

- Елның беренче атнасында гына да Казанда тискәре үсеш темпы 32,8 процентка арткан, 8242 авыру очрагы теркәлгән. Авыручылар саны эпидемиядән 19,8 процентка югарырак, - дип сөйләде Әхмәдиев.